إحساسي غنوة
أحمد صبري
انا علشانك كنت باعيش
كنت باضحي بكل ما ليا
وانت عشاني كنت ما فيش
غير كبر وعند وانانية
وانا دلوقتي ماتسالنيش
هاعمل ايه فيك او فيا
انا لو عليا ما تشوفنيش
ولا اشوفك من الليله ديا
علشانك كنت ليك وحدك
بأفصل توبي على قدك
واشيل الدمعة من خدك
وعيني بدالك تبكيها
واجيب اخر على اخري
تبيع الصبح من بدري
ويبقى الجرح دا اجري
وروحي كأني برميها
وياما كنت اقول هانت
قلوب كتير حجر لانت
الاقي ناس كتير ماتت
ف كدبة عاشت لياليها
عشان خاطري مالوش خاطر
وطيب كتير باقول حاضر
باشوف اللي ماهوش ظاهر
إحساسي غنوة باغنيها
واقول فيها من جوايا
الف اه والف حكاية
وأرجع ابص في مرايا
الاقي نفسي مش فيها
١١
٧٨ مشاركة
أعجبني
تعليق
مشاركة
مجلة نداء الرؤح لفرسان الكلمات 