للشاعر /صابر الشناوي
* * *قومي. يامه * * *
للشاعر /صابر الشناوي
قوي يامه ولملمي
شعر النخيل م الغيط
قومي يامه وإجدلي
إرسمي لينا الخطوط
وإوصلي بينا الخيوط
قومي لملمينا من إدينا
رجعنا ليكي تاني
قومي يلا همي بينا
ورجعي لينا الأماني
مهما باعوا ومهما سرقوا
مهما نهبوا و مهما حرقوا
هتفضلي رغم الأعادي
منوره طول الزمان
وهتعرفي مين اللي
حبك ومين اللي ودك
ومين اللي خان
ومين اللي عاهدك
ومين اللي صدك
ومين عليه الحب هان
صفحه بصفحه وباب بباب
هتلاقي في ولادك شباب
هتلاقي مذكور في الكتاب
هتفضلي دايما بخير
بجيشك بشعبك
بنيلك بشمسك
حافظه أديانك
و المولى حافظك
قومي يامه لملمي
أيامنا اللي فاتت
قومي يلا همي
بينا من ثباتك
هشي بإديكي الفيران
رجعي أيام زمان
وإرجعي ست الجيران
قومي يامه لملمي توتك
ولمى طوبك وإبني قصر
دا إنتي مصر وهتفضلي
دايما يا مصر… تحيا مصر
٢صابر الشناوي وارق ملاك
تعليقان
أعجبني
تعليق
إرسال
مجلة نداء الرؤح لفرسان الكلمات 