( رحلة عمرنا)
************
شريكة حياتي..هى بيتي الكبير
عصفورة هى .. وأنا العصفور
حواليها برفرف ..بروحي واطير قلبى
هى الأميرة مافيش غيرها أمير
تؤمر وتنهي.. وأنا ليها الأسير
أفديها بعمرى ..وعمرى مش كتير
***********
مابين فرحة ودمعة.. عشنا الحياة
زمانا سنينه طالت.. بالحب طويناه
بحور المرار بكاس .. الصبر شربناه
مابين فراق ولقا.. قلبنا تعبناه
حبيب يفارق وإيه م الفراق خدناه
القلب م الحزن يتقطع.. آه ياولداه
ودموع العين تسيل والروح حضناه
***********
كما بدينا.. مرت علينا.. سنين وسنين
الكل فارق وافترق وارجعنا تاني اتنين
ونسأل بعضنا.. مين فينا القلب ومين فينا العين
مين فينا الإيد والرِجل والروح ساكنة فين
في قلبي واللا قلبِك واللا مقسومة أتنين
يارب ماتحرم حبيب من حبيبه طول مااحنا عايشين
ولما يجي الموت نموت سوى إحنا الاتنين.
*******************
ترانيم/صلاح زقزوق
*******************
مجلة نداء الرؤح لفرسان الكلمات 