طليت على صمت الليل
ما لقيت نظرة
ولاحتى حروف بتطمني
مر الحيران
عاشق ولهان
محتاج لكلمة تبل الريق
وفي أي طريق
بتمد ايديها لقمر غريق
و نهار بيحرك دراعاته
يفتح أبواب الضوء
بيصحي الأمل المخنوق
على ورق التوت
في طير مكبوت
لا في بوح و لا صوت
و لا كلمة تداوي قلب مصاب
في دنيا
الكل فيها أغراب
لا تقبل ابدا لوم و لا عتاب
و لا تشرح لنا ايه الأسباب
الطفل المسكين منها شاب
و نلف ندور
في زمان مهجور
في الرمله الناعمة
نشق بحور
نزرع في قلوبنا ورود و زهور
و شموع جوانا تشع النور
تمنح أمل لشباب مقهور
و البدر ينور في سمانا
نمسع صمت الليل جوانا
و الطير راح يفرح بغنانا
مراسيل الشوق تناجي هوانا
يا زهور الندى
و ياعبق الورد
وشروق الشمس النعسانه
بشعاعها تزف حنين و وداد
على قلوب عاشقه وهيمانه
(((أسامه جديانه)))
٢ارق ملاك وفهدالصحراء الجرئ
تعليقان
أعجبني
تعليق
إرسال
مجلة نداء الرؤح لفرسان الكلمات 