من ديوان سنين الشوق
قصيدة
((((((بلاش توسلات)))))))
قالوا ياعيني عالكبير
الكل مفارقه ليه ؟؟؟
مين بيسأل عليه ؟؟؟
قلت ماتتعجبوش ياجماعه
ياناس ماتقلقوش
هيتجمعوا لما يموت علشان يدوروا عالميراث
دي الشهامه كلها هتتجمع ولا انتو ماتعرفوش
ياعيني عليه عاش مع قلوب مليانه خداع
وهو قلبه أخضر
صافي بقاله زمان
و من زمان ماسلمش وقليبه بيه إتغدر
من كتير كتير مالبشر
ومكتش عارف إن إحنا في زمن النداله
اللي بقت تطغي عالنفوس
ماحنا في زمن الفلوس
ومعاها تلاقي كتير……كتير من المبررات
وبلاش بلاش عياط
وبلاش بلاش آهات
لما يجي الوقت ويقولوا عليه
دا راح ويقولوا عليه دا مات
روحوا شوفوه وهو حي دا قلبه كثيربيألمه
لكن كرامته قسماه
وبيرفض يكون متهان
مع انه في شوق ليكم
شوق بقاله زمان
لكن وجع قلبه رافض إن كرامته تقل
و عارف إن إنتم مايهمكوش إلا اللي عنده
باقلوب مليانه غل
علشان كده هو بيلعن نفوسكم
وهيموت بوجعه وألمه
علشان ماتقلقوش
وبعد بعد موته
بلاش أي آهات
بلاش توسلات
وانت بتطلبوا الرحمه ليكم من رب العباد
ربكم عالم بنفوسكم وبلاش تخيلات
مش هتنجوا بأفعالكم
دانتم أشر البشر
داإنتم قلوبكم حجر
و بلاش ترسموا الطيبه
داحنا عارفينكم بقالنا زمان
الشاعره سهير بدران
١ارق ملاك
تعليقان
أعجبني
تعليق
إرسال
مجلة نداء الرؤح لفرسان الكلمات 