حصاد الحب
لما تحب وتحصد خيبة
أوعى تقول اهي مرة وتوبة
وسع قلبك
وكمان نوبة
لما تلاقي اللي يحبك
واللي يعمر
جوه ف قلبك
يبقي الحب من الطرفين
فوق الراس تتشال والعين
حب بجد حب أصيل
مش ع الموضة
يزول بغسيل
ماتكسكسي امام العوجة
خلي لنفسك دايمًا هيبة
يبقى لسانك هو حصانك
خليك حر
ما تطلعش منك عيبة
ولا تكشفشي يوم عن سر
ولا تركعش لغير الخالق
خليك هادي ودايمًا صابر
لو حسيت انك مش قادر
حاول تنسي وادعي القادر
يوم يشفيك
ولو مش طايق
تفضل ساكت
أصرخ يالا بعزم مافيك
يا نهار كحلي
ولون الطين
الحب ياناس
عركة حطين
بقلم سيد جعيتم
جمهورية مصر العربية
٥Raed Yanes، وYoussef Boulaabi و٣ أشخاص آخرين
٦ تعليقات
أعجبني
تعليق
إرسال
مجلة نداء الرؤح لفرسان الكلمات 