( عايز يتجوز ببلاش ) :
رايح جي زي القشاش
حتى اللقمة ما بيجيبهاش
عايز يتجوز ويهيَّص
عايز سِت تكون للبيت
مضمونة من الحيط للحيط
وكمان له طلبات وشروط
عايز إبرة معاها الخيط
شحات بس بياكل فينو
خارج من جلدُه ومن طينُه
مهما يعيش في الدور ويمثل
الناس فاهمينو وعارفينو
عايش فوضى ماعندوش خطة
ومقضيها بكش واوانطة
يعدي الليل ويعدي نهاره
بيلعب لعبة حَطة يا بطة
الأشكال دي في منها كتير
حالة غريبة مالهاش تفسير
وامَّا تواجهُه بإنك فاهمُه
يقولَّك خلي السر ف بير
أمَّا تواجهُه بإنك فاهمُه
يقولَّك خلي السر ف بير
بقلمي الشاعر جمال زكي عينر
أعجبني
تعليق
إرسال
مجلة نداء الرؤح لفرسان الكلمات 