(لإمتى؟؟؟؟؟)

(ترنيمات وخواطر.بقلم……….)

(شاعر العاميه/خيرى حسنى.)

قصيدة بعنوان

(لإمتى؟؟؟؟؟)

لإمتى هانفضل

نسامح ناس بتفهم

وناس غشيمه.

ناس عقولها على

الله………..

وناس سليمه.

ناس تحبك

وناس لئيمه.

ناس ناس.

وناس بهيمه.

ناس خاليه

من الجهاله

وناس دميمه.

ناس إستحاله عيبها

يطلع من لسانها

وناس غاويه الشتيمه.

وناس أوطنه

وناس كرامتها

رأسمالها وناس تاخد

على راسها بالقديمه.

ناس عيشاها بالسبايب.

وناس تموت ولازم

تعايب وناس تعيش

تفضل وسيمه.

لإمتى هانفضل.

نطاطي لناس.

صنف عالي.

وصنف واطي.

صنف يحبك لوغفير.

صنف يكره لو مدير.

صنف شاري.

وصنف بايع.

صنف تدور عليه بإبره

لما تلاقيه

وصنف شايع.

صنف حقيقي

تحبه من نظرة أولى

وصنف مايع.

صنف ماسك.

على ديانته.

وصنف صايع.

ناس تعيش عشان

خاطرهم……..

وإل لأجلهم

العمر ضايع

لإمتى هانفضل.

نسامح على مينا.

وعلى إل رايح

وعلى منهم كيلنا

طافح.

هي كدا

الدنيا بتركيبه

عجيبه…………

تيجي تصاحب حد

عارفه يركب أبوك

ألفين مصيبه.

أهي الدنيا والحياة.

ومنين تلاقي

طوق نجاة.

إلا إنك تقول يارب.

بيستجيب لمن دعاه

لإمتى هانفضل.

نعدي لناس على

رقبتنا ديما تعدي.

لناس تجيب دايما

في سيرتك.

وناس تخبي وناس

تودي………

ناس مش عجبنهم حالنا.

بالتفاهم أو تصدي.

لازم نفوت عشان

نعيش ولازم نسامح

عشان نسلك

وكمان نعدي.

لازم نراضي.

ولازم نحابي.

ولازم نهدي

ولازم نقول للحمار

يا باشا

ولازم نقول للبيه

ياسيدي.

مش بإيدك

أو بإيدي.

غصب عن

هانفضل نسامح.

لل له في حياتنا

مطرح وإل عطره

في قلبي

فايح…………………

إذا لازم هانفضل

نسامح.

مش بخاطرك

أو بخاطري

لإن مهما العمر

طول في النهايه

برضو رايح…….

14/11/2022

(ترنيمات وخواطر.بقلم……….)

(شاعر العاميه/خيرى حسنى.)

عرض الرؤى

معدل وصول المنشور: ٧

أعجبني

تعليق

إرسال