( زجل مغربي)
حكاية الدلو!
( زجل مغربي)
حكاية الدلو مع البير
بحال حكايتي مع لخوت
وبطمعهم فالماء مرغوب
ينفع لبهايم والدشير
ومع جناب البير مضروب
نعيا ما ندير فالخير
نولي بين الناس منبود
الدلوان بحالي كثير
وأنا ودلو كيف لخوت
لي ينفع الناس يحير
والطماع ديما محبوب
لا تنسى راسك بالخير
من عند الناس مفقود
الدلو يعاني بالنجير
بالمقاومة مع الجلمود
وأنا نعاني مع الغير
لا خير تلقاه مقبول
قصة الدلو حكايتي
مسار عليه كنسير
نقاوم فالدنيا ونعاني
وسالك طريق الخير
لي دافع عل الناس يعاني
تعذبو ومات منهم كثير
-بقلم: محمد دومو
-مراكش/ المغرب
مجلة نداء الرؤح لفرسان الكلمات 