(بنتحمل؟؟؟؟؟)

(ترنيمات وخواطر.بقلم……….)

(شاعر العاميه/خيرى حسنى.)

قصيدة بعنوان

(بنتحمل؟؟؟؟؟)

بنتحمل قساوة دنيا.

عايشنها على الآخر….

يدوب زق…………..

يدوب زق…………..

يدوب زق…………..

ونتحمل فوق طاقتنا. .

ونقول عادي وإيه يعني

ما نتحمل ماهو لازم إننا

نتحمل نتحمل الصعب عشان

تمشي الحياة وتدور.

وكل واحد مننا ياخد منها له

دور إل بيشتغل في الهد

وإل بإيديه يقوم يبني.

وإل عمره فيها بينعد.

سنه و التانيه تلاقيه مكسور.

يا مديون للخلق يا إما يدوب

مستور بياكل لقمته على الكد

فتافيت كأنه عصفور……….

بنحمده وراضين وفيه غيرنا

وزيينا مش راضي بالحاله

إل عايشها وأكيد لازم يكون

معذور…………..

يا عنده أولاد في الجامعه.

يا مش قادر على مصاريفهم.

أكل وشرب وحاجات تانيه.

متقدرش من بنودك تحزفهم

وأنت بالكتير خالص

تمصمص وتعض على

شفايفك وتتصعب وتضرب بكفك.

أخماس في أسداس.

وغير صداع ووجع بالراس.

ونتحمل ولازم الضحكه تبان

على الوش وجواك بركان بيغلي.

وقهر وأنين وأزيزقلب بيدق.

دقاته إل في آخر الشارع

بيسمعها ونتحمل

ناس مفروض عليك إنك

تسايرها تلاقيهم أغبى خلق

الله توضب وتحبك في

كلامك وتنافق وتطاطي عشان

مركبك تشق البحر وتسير.

وأشياء متلقيش ليها تفسير.

وتعدي وتبلغ الشط.

وتوصل المرسى في أمان الله.

مع كل إل إنت فيه تحس

بإن فيه تقصير

وبإنك برضو مقصر

ونتحمل……………….

17/11/2022

(ترنيمات وخواطر.بقلم……….)

(شاعر العاميه/خيرى حسنى.)

عرض الرؤى

معدل وصول المنشور: ٢

أعجبني

تعليق

إرسال