ياعايشين عيش الرفاهه والترف
اليوم لكم والغد دور الكادحين
اهم شي صون الكرامه والشرف
اذا حفضناها نكون الرابحين
والكل فاني والنعيم للصالحين
مصيرنا واحد وذي ماقد عرف
اين داره الدايم الى اين رايحين
القبر دار اللي تنعم واخترف
ومسكن المرتاح واللي ضابحين
لا طيرمانه لا حراسه لا غرف
ولا مجالس للشيوخ المانحين
الثوب واحد للفقير واهل الحرف
واللحد مئواء الامنين والنازحين
اللي أكل حق المساكين واصترف
واهل الوجيه الضاحكه والفارحين
واللي تبسم عندما دمعي ذرف
وارتاح يوم شاف البقيه طايحين
الفرق بين المستقيم واللي انحرف
هو العمل ياسعد منهم فالحين
دنيا دنيه من . طرفها للطرف
الفاشلين فيها وفيها الناجحين
بها قلوب ترحم وفيها طرف رف
شفنا بها الناصح وذيهم مادحين
ابو شامخ فضل الدروبي
مجلة نداء الرؤح لفرسان الكلمات 