زجلية تحت عنوان:
أيوب صاح***
لي راح راح
الحق طار …
والظلم طغى ؤ دار جناح
الوردة ذبالت ولات تتعاوج
ؤ مول المحراث عاد تمساح
اما ذيك الشمعة
لي زرعت الغمة والدمعة
حرقت المحصول ..
ؤ بالملح دوات لجراح
بل حفرت شلة حفاري
تحراميات وتلاوي
فيها غرق ذاك الفاسد ؤتلاح
اما مول لميزان
شحال هذي قضى الغراض ي فلان
ما بقى يحس ولا يبان
كمل اللعبة تغنى ؤراح
واخا بنادم تألم ؤ صاح
ضاق بيه لحال ؤ ناح
ما حنوا عليه م شفقوا
ردوا من عرقو وشقاه متعة وراح
في الهوى سوى بنا غاديين
غرقوا بنادم رجع ماد ليدين
سقاوه مرار ؤ م طلع صباح
هذا ولف الخطفة وركب الغفلة
قلب الفيستة انتهازي خملة
دك البسمة بوتاد القهرة
عاد سليط والقلب قساح
تجار الحق والانسان
خواو لمزيودة ؤ عواج لميزان
لوجهيات وتكلاخ
ما بقى يهمهم شكا
وخا الجيب خوا ؤ رشا
نصبوا ولادهم ؤركبوا السلطة
نهبوا الأراضي ؤكثار الصياح
هذا جوعوه
الاخر حلفوا لا خدموه
لمدرسة رابت ؤ عصفت لرياح
بغاوها فتنة
لا وطنية ولعقلية عفنة
دينهم كذوب ونباح
ففيقوا يا حوانت الغمة
غدا لعبكم يسالي و يتفضى
ؤ في الحاويات نهايتكم…
مصير كل نهاب سفاح
بتسياقكم تزيان لبلاد
ما يبقى طواغيت ولا نكاد
تزهر الأرض …
ؤ ما ينفع غير المعقول
والصلاح
*** : احمد الكندودي *** المغرب ***
٤Raed Yanes، وارق ملاك وشخصان آخران
١٠ تعليقات
أعجبني
تعليق
إرسال
مجلة نداء الرؤح لفرسان الكلمات 