شعر غنائى ..

بقلم الشاعر الغنائى ..

محمد البريمى ..

((( أى كلام )))

شعر غنائى ..

((( أى كلام )))

أى كلام عنى م تصدقوش .. اللى بيكلمك لازم يكون خسران ..

هو غيران منك علشان م بأحبوش .. هيموت م نار الغيره سيبيه ولهان ..

و قوليله على لسانى إنى أنا

بحبك إنت .. و شاريكى إنت ..

و عمرى م أفكر أبيعك .. و إنت الإنسانه الوحيده اللى عاشت ف الوجدان ..

أى كلام م عنى ..

إنت اللى خدتى الحب كله يا حياتى .. ولا يحلالى سهر إن زارنى طيفك ف منامى ..

هو الحاجه الحلوه اللى بأستناها .. و مصبرانى على آيامى ..

لو كان بإيدى كنت أسافرلك ماشى على الآفدام .. و أحطك ف عنيا و أشيلك فوق راسى و أكونلك خدام ..

هو إنت يا حبيبتى عندى شويه .. دا إنت كل مرامى ..

أى كلام عنى ..

أنا لو أطول أطلعلك القمر .. و أخطفه من بين السحاب و أقدمهولك هديه ..

و لو طلبتى معاه النجوم .. م أتأخر عنك ثانيه ..

إنت يا حبيبتى ف كفه .. و إللى عرفتهم كلهم ف كفه ..

إنت الأصل إنت الدهب .. إنت الغاليه عليا ..

أى كلام عنى ..

لو تسألينى ع اللى ف ضميرى .. كنت بأتمنالك إيه ..

أكون جنبك العمر كله و أشاركك أفراحك و أحزانك .. من غير م تسألى بتعمل كل ده ليه ..

و إن بكت عيونك أمسح دموعك بمنديلى .. و إن ضحكت شفايفك أقول يا نهارى يا ويلى ..

و أغير منهم و أفضل سهران .. مع حالى و الليل و اللى بيجرى

فيه ..

أى كلام عنى ..

بقلم الشاعر الغنائى ..

محمد البريمى ..

١فهدالصحراء الجرئ

تعليق واحد

أعجبني

تعليق

إرسال