&&***
واحة الحب
***&***&***
وفي لحظة قلبي نسي كل القساوة
مع كلمة حبيبي المر إتبدل حلاوة
وأتوهج الشوق وحسيت إنك كل الغلاوة
ونسيت ليالي الحزن والضنا والشكاوي
وفرحة إترسمت علي الشفة وذقت طعم البقلاوة
كنت واهم لما إفتكرت إن حبك من قلبي زال
ولكن صدق إحساسك خلي القلب مال
لما قولتي عمري ما كان لي حبيب غيرك
والدمع منك سال…..
هان عليك حبنا والعشرة ونويت الرحال …؟
هان عليك عذابي وليله اللي طال…؟
هان عليك دموعي وسهري طول الليال …؟
والله ماكان قصدي أزعلك لحظة….
إزاي فكرت في الإنفصال …..؟
دأنت حبيبي وأبويا وأخويا وعمي والخال
إنت روحي وعنية اللي بشوف بيها وكل الآمال
حسك في الدنيا يشعرني دايما بالأمان
وطيفك ما غاب عني يوم طول عمرك غال
وقلبي جواه لهيب بركان وهزة زلزال
لسه عايش جوايا حبك ودقاته تنبض مازال
في بعدك ذقت المرار وبعتلك ميت مرسال
يا ريتنا نرجع زي زمان ونغني سوا الموال
من غير ملام ولا عتاب وبكا علي الأطلال
نعوض اللي فاتنا ونرجع اللي كان ونكيد العزال
ونسهر على ضوء القمر والنجوم و الدلال
نستعيد ماضينا في واحة الحب والجمال والخيال
ومودنا يتغير والمزاج يكون عال العال
***&***&***
سمير بحر
***&***&***
من ديوان قناديل بحر اصدار يوليو 2021
مجلة نداء الرؤح لفرسان الكلمات 