٠٠المربعات٠٠
حمام البن طار
ترك عشه وهاجرني
وغراب البين غار
يا ريته ما افتكرني
والناس قلوبها خرايب
ولاد الاصول راحت
ونامت تحت الترايب.
الصاحب اللي يعدك
أمشي معها للنهاية
وسيبك من اللي يهدك
وخلص معها الحكاية
جرح العزول ف الجسم علم
جرح مابين الكلاوي
والقلب من الحزن سلم
فين الطبيب المداوي
بنت تشرف بلد
يا فرحت اهاليها
بنت خير من ولد
يا رب أحميها
حمامة البن ف الخلا باتت
وغراب بيحوم حواليها
والناس الحلوة ماتت
ودموعي سالت عليها
الدنيا زي السواقي
قواديس شغالة اتلف
والناس قلوبها شراقي
ف ضهر بعض بتحف
الدنيا زي السواقي
عمال على بطال
والناس قلوبها شراقي
وتتكلم كلام بطال
بقلم الشاعر ملاك دميان شاعر الصعيد
أعجبني
تعليق
إرسال
مجلة نداء الرؤح لفرسان الكلمات 