بقلمى
شريف القناوى
انا مين….؟
بلف وادور فى الشوارع
ناصية تاخدنى
والتانية ترجعنى
انا تايه..
ولا الطريق مش عرفتنى
سنين عدت وراحت
ايه فيها غير ملامحى
الطمع خبط على بابى
دخل عاش فى احضانى
فضل يرسم كل احلامى
يشد يدى فى كل مكان
مستسلم ما هو عمانى
انا مين…..؟
كنت راضى بحالى
اضحك فى عز احزانى
وابكى لما الفرح يمر قدامى
محدش بيا حاسس
سابو الكل وحسدونى
على ايه…
سؤال يحير ومين يعرف جوابه
انا مين….؟
حكاية ولا حدوتة
ولا كلمة فى غنوة
كله يقعد يسمعها
بس مين يفهمها
تعالى اصبر يمكن تعرف تحسبها
تمشى.. تجرى.. ايه اخرتها
النهاية هتبقى ذكرى
انا مين….؟
الحياة صورة حلوة
بايدينا بنغير ملامحها
نشخبط واحنا فكرين بنعدلها
تاهت مننا الالوان
واتغيرت معها قلوبنا
الأبيض غطاه السواد
والاخضر كساه الصفار
العين تعبت والعقل تاه
انا مين…..؟
بقلمى شريف القناوى
١١
٢
٨٥
أعجبني
تعليق
مشاركة
مجلة نداء الرؤح لفرسان الكلمات 