… رسالة ….
جيت الحلم ليه متأخر
وسيبتني ف حيرة أفكر
نسيني وللا راح لغيري
قعدت طول الليل بحيرتي
نسيني وللا قلبه جاب سيرتي
إيه جري ياعيونه عني غيبتي
أمرك حبيبي ليه الليلادي يحير
أنام ومتطلش في الحلم ليه
لو زعلان قوللي زعلتك في إيه
زعلك في الحقيقة راضية بيه
لكن إزاي علي خصام الحلم تقدر
وحشتني ومفيش غير أحلامي
هي إللي باقية منك في زماني
قدرت بعنادك ف الحلم تنساني
فاضل ليا إيه وإزاي علي ده أقدر
مهما كان ومهما قلت انت زماني
صعب يقدر علي طبعك حد تاني
مهما كان عندك مش هتنساني
أنا عارفة إنك دلوقت فيا بتفكر
عنيد وعندك طال وأنا المشتاقة
وكل إللي عندي حلم فيه نتلافي
عايز تاخد مني ليه أحلي حاجة
إني أنام وأعيشك حلم مش أكتر
إرجع أحلامي بتستني صورتك
إرجع للقلب إللي عايش لحبك
لو هتعند خليني في الحلم جنبك
من غيرك طعم الحياه من غير سكر
لو مش وحشاك حضني هيفكرك
من غيري في ليلك كان بيسهرك
بين إيديا كنت بأسعدك وأحيرك
إرجع لحلمي وأوعي تقول مش هقدر
…. أيمن بلال …
مجلة نداء الرؤح لفرسان الكلمات 