احمد صبري
بلطجية
احمد صبري
هي بلسم ولا سم
يوم بتمدح يوم تزم
كل حاجة فيها حاجة
كل كلمة تبقى فيلم
دي حقيقة ولا حلم
بتبعتر مش عابزة تلم
زعلي منها بعدي عنها
عندها شيء مش مهم
يبقى ليه الحيرة دية
واللي جاي معروف تمامه
باحب واحدة بلطجية
يتحرق قلبى بغرامه
انا حبيتها بس هية
خايبة ف الحب وعلامه
وإحنا مش ناقصين أذية
وكل واحد له مقامه
المسافة ف كل مادا
كل يوم صبحت تزيد
جرحي منها زي داتا
عايزة قلب يكون حديد
يتقلب ورشة حدادة
يتحقن تلج ف وريد
عايزة حد اهانته عادة
تروح تشوف واحد جديد
اما انا عندي كرامة
تكفى احبابك واهلك
صبري دا معناه شهامة
مش ضمان حل لمشاكلك
ف المحبة مافيش غرامة
شكلي مش لايق لشكلك
يبقى يلا مع السلامة
انتي مع كل اللي قبلك
حب ايه إللى يذل
الحب بيكبر ويبني
واللي مني يوم يقل
يبقى عمره ما يبقى مني
حبك انتي شيء يشل
وانا عنه بقيت مستغني
واللي قلبى منه يمل
باسيبو قبل مابيسيبني
٢٢
١
١١١
أعجبني
تعليق
مشاركة
مجلة نداء الرؤح لفرسان الكلمات 