بقلمي يحيى حسين
عشق
بقلمي يحيى حسين
قلبي عشقك قبل ما اشوفك
وداق خياله خمر شفايفك
بعيدة عني والقلب شايفك
نفسي أزورك واحل جدايلك
تخبي عيونك عيوني تحايلك
ولما عيونك تقابل عيوني
تسكر جفوني قدام رسايلك
ألقى قلبي في نعيمه نايل
ونبض قلبي بلحن هايل
أنسى نفسي وكل عمري
حضنك حياتي للجرح زايل
وأقول خلاص تعالي نامي
نامي و زوريني حتى بمنامي
ولما أشوفك نور بدر حلمي
أغير عليكي وأنا دمي حامي
أقوم أصالحك تشوفي ابتسامي
وتهمس شفايفي بأحلى الآسامي
وانام في حضنك وأتغطى بيكي
وكلمة بحبك آخر كلامي
يحيى حسين القاهرة
25 نوفمبر 2022
٢ارق ملاك وشخص آخر
تعليق واحد
أعجبني
تعليق
إرسال
مجلة نداء الرؤح لفرسان الكلمات 