…..غرق الروح …….
انا روحي الحيه بقت جيفا
والضحكه غريبه ومخيفه
والدمعه السايله على خدودي
صبحت حراقه وحريفه
انا ضلي واقفلي بدون شمسي
ونهاري مكمل مع امسي
واحلامي بتهرب من نومي
وزعيقي بيهمس من يأسي
…..
انا بحر وخالي من الموج
وشعاعي بينزل معووج
من قلب الشمس الهربانه
والنور جاي منها و محروج
…..
انا كل الأحزان في الفرحه
انا اجمل صباره وطارحه
من كتر الشوك اللى ورقي
بيطلع في جزوري الصرخه
…..
انا كل الطرق المقفوله
انا روح جوايا ومقتوله
وبرغم الحركه اللي بتظهر
لاكن بالموت كانت مشغوله
……
انا ريح في سحابه ومش ماطر
شبعان م الدنيا ومش فاطر
مع اني بكون ديما هادي
بدخل وبغوص جوا مخاطر
……
انا كل الجرح اللي مغوط
مسجون في مشاعري ومتحوط
والدم الناشف ف عروقي
سايل مع دمعي وانا بعيط
…..محمد إبراهيم درويش….
٢ارق ملاك وشخص آخر
٤ تعليقات
أعجبني
تعليق
إرسال
مجلة نداء الرؤح لفرسان الكلمات 