(عامية مصرية )
بقلمي / أشرف محمد السيد
قصيدة/ دنيا فيها الكل نايم
(عامية مصرية )
بقلمي / أشرف محمد السيد
ًٍكارة الدنيا وما فيها
مش راغبها أو غاويها
بس مش قادر عليها *
حافظ النص ف كتابي
صحتي وزهرة شبابي
الزعل مش وقته خالص
باب حسودي جنب بابي *
بزرع الورد ف قصاري
وافتكر وقت العصاري
وارسم الاحلام بدمعي
مش بخبي مش بداري *
بحضن المسكين وابوسوا
واكرة اللطخ وفلوسوا
واركب الجحش وعارف
ممكن القطر يدوسوا *
الحكاية مش شطارة
أو وظيفة ف الوزارة
أو طبيعة عقل ناجح
دي العبارة ف الدبارة *
إحسبوني ف العزايم
واكتبوني ف القسايم
دنيا بانت من سلوكها
طبعها غطسان وعايم *
همشي مشواري وطريقي
بس نظرة تبل ريقي
يمكن الحظ يصالحني
يبقي محبوبي وصديقي *
شكلوا مش راضي وباين
كل يوم ينظر يعاين
حاطط الحج ف دماغوا
للفلوس عامل كماين *
حظي مش فقر وشتايم
أو حروب من غير غنايم
هركب الحظ ف كلامي
واسحبوا صاحي ونايم *
……….. بقلمي /
أشرف محمد السيد
٦ارق ملاك، وعامر الدليمي و٤ أشخاص آخرين
٦ تعليقات
أعجبني
تعليق
إرسال
مجلة نداء الرؤح لفرسان الكلمات 