شعر د.ضحى بركات
صورة لها معنى
شعر د.ضحى بركات
سنين العمر مرسومة على وشك
ونظرة حسرة مالية عنيك وايه همك
ولك تنهيدة حراقة بتكوى فى حشا قلبك كل القهر ده مكتوم ومتحمل أساه صدرك
ومال الشفة ليك نازلة ومالها ع الألم جزة وإيه جارحك وإيه آلمك
خطوط الشقى فاضحاك بترمى تقول على اللى ضناك كأن الكل صار ضدك
إحكى وقول لنا همك يمكن حضننا يضمك
يمكن يتنسى حزنك ..ونكتب بسمة فى لمحك
ويمكن يتبدل حالك ..وتسعد بينا ايامك ..وتصبر ع اللى راح منك ..
************
رد وصوته كان مطفى ودمعه فى الجفون مخفى :
.بنيت والناس خدت عنى
ونكرت حلو كان منى
وردت لى هموم سنى
بنسيانها جميل فنى
ولادى نسيوا إيه حالى ..ولا عايزين راحة بالى
خدوا مالى ..وخير حالى وضنوا عليا بسؤالى .
ونسيوا الأرض غاب خيرها وجافوا الصحبة والعزوة
وناموا وصحيوا ع القسوة
بقا لهم دور ….وخير منطور
وانا عايش بلا كسوة .
وصاحبى وجارى لامونى عشان ربيت لخلق غتيت لافيهم روح ولانخوة ..
***************
ومش مطاوعنى قلبى أقول
أنا غضبان يارب الكون .
.خايف ليدور عليهم دور وياخدوا كفوهم جفوة
ولا تلقى الحبايب نور ولارزقة وحسن مرور ولا تهنى العيون غفوة …
************
على حالى انا محسور ..لكن ليهم أنا مسرور وحالهم فرحة أو نشوة …
مدام عايشين فى سعد وزين ..تدوم الصحبة والزهوة ..
.واقول ياريت يدوموا ياريت فى صحة والهنا وعافية..ولا يتحرموا م نعمة
….
دول ولدى ونور نضرى وهمة الضهر والخطوة ….وانا بدعى لهم على طول واقول يارب غمة تهون ويفتكرونى لو مرة ..ياريت يزورونى بالمرة ….
************
واحشنى طيفهم الغالى ..وشوق القلب بيعالى .
.وبحلم ليلة وليالى تنولنى منهم الضمة …
وييجوا ينوروا الضلمة….بلمس حنان مع اللمة
.
٣٩ضحى بركات – Doha Barakat و٣٨ شخصًا آخر
٢٩
٢٩
أعجبني
تعليق
مشاركة
مجلة نداء الرؤح لفرسان الكلمات 