لو فاكره ان حياتى نكته تضحكك
وان الكلام
بيزوقوه علشان جنابك
ابقى اضحكى لما الدموع تنزل مطر
لما المسائل كلها تطلع غلط
يغششك حبة خداع
يلا اضربى حبى فى غبائك واقسمى
لو تفهمى
ان الحياه حلوه بنكدها وضحكها
وكل واحد له نصيب
بإيديه يصيب
لو شاف حبيبه حته منه
لو يبعدوه لو لحطه منه
يفضل يعافر كالغريق
يفضل يدور ع الطريق
كل الشوارع عتمه موت
من دون رفيق
راح تفهمى ان الحياه لعبه قدر
ان الحياه شمس وقمر
وان السعاده نعيش فريق
قلبين يدوبوا فى بعضهم
قلبين جمعهم ربهم
لو يصبروا
كل المشاكل تتهزم
هيشوفوا كل الدنيا خير
والدنيا تحكى بحبهم
رشاد ابوسيف الدهشورى
مجلة نداء الرؤح لفرسان الكلمات 