الناس أصناف(شعبى)
كلمات/ادهم العوضى
أدهم عبده مجلى
الاغنيه مسجله مصنفات فنيه
★★★★★
موال
الناس أصناف(شعبى)
كلمات/ادهم العوضى
أدهم عبده مجلى
الاغنيه مسجله مصنفات فنيه
انا كنت أقول الناس صنف واحد
قالوا لأ ده الناس كتير أصناف
فى ناس تقول الكلام تعمله الف حساب
وناس تقول ما تخاف
وناس تقول الحق على نفسها حتى ولم تنشاف
وناس تشوفك تسلم والقلب مش خالص
وناس تشوفك وتجرى عنك بعيد خالص
وناس تقولك كلام تقول مفيش زيها
وتيجى عند الحق متقولش كلام خالص
وناس تشيلك فى زنقه
مش عايزاك تتوه خالص
وناس بتكره ناس والقلب مش خالص
وناس تضرك من غير سبب
ولا ترضى تعيش مرتاح
دى الدنيا يا عينى فيها العجب
فى كل يوم فى الليل والصباح
انا عجبى عليك يازمن
من قلب كان طيب
ولا جاش نصيبه ال فى قلوب ناس
لا تعرف الحب ولا حتى فى يوم بتخااااااااف
★★★★★★★
فى ناس بتفرح على جرحى
وناس بتزعل يوم فرحى
وناس كتير دايما خاينه
مع اكلهم عيشى وملحى
★*★*★*★
وناس تداوى فى جروحى
وناس تنط على سطوحى
تسرقنى وتجرح فيا
وناس بتضحك على نوحى
★*★*★*★
وناس تقولى كلام بطال
وناس تجينى طالبه الوصال
وناس بتعمل أذى للناس
عماللى قال قال م الابطال
★*★*★*★
وناس تقولى ملكش دوا
ولا لك حبيب ولا لك هوى
وتشوفنى مرتاح تتضايق
ونكون يا دوب قاعدين سوا
★*★*★*★
وناس بتاكل من خيرى
وتروح تحب فى ناس غيرى
ولو اكون ماشى على طول
تقطع عليا خطوط سيرى
★*★*★*★
وناس كتير قوى ولئيمه
وقلوبها ع الغدر رحيمه
طعنونى فى القلب وجرحوا
ما سابوا فيه حته سليمه
★*★*★*★
وناس بتندب على حظى
وتجينى فى الفرح تعزى
وتقولى لأ ده خساره فيك
اشرب هموم هى تغذى
★*★*★*★
صرخت قلت كفايه هموم
وقالو اشرب ده المقسوم
قلت المقسوم جراح والام
ما تسببوا فرحه تيجيلى فى يوم
قالو لى مش هنسيب فرحك
يجيك فى يوم ولا يصالحك
ولا حتى فرحه تعدى عليك
ولا حتى طير يجى على سطحك
★*★*★*★
كلمات/ادهم العوضى
ادهم عبده مجلى
موال (الناس أصناف)
★★★★★★★★
١فهدالصحراء الجرئ
تعليق واحد
أعجبني
تعليق
إرسال
مجلة نداء الرؤح لفرسان الكلمات 