(ليه تداري هواك)
علشان حبيتك اتحملتك ورضيت بعيوبك
وعشقتك وهويتك واتمنيتك لما سحروني عيونك
وياما حذرتك بلاش تزيد في ظنونك
وانت ياحبيبي ليه تخلي الشك يعذبني وتفرح لما اشكيلك ماتعذبنيش
وازاي أحبك واصون ودك واتمني معاك اعيش
وانت تتقل عليا في مشاعرك واحس بيك مابتحبنيش
والقاك تتدلل عليا وتعذبني ما ترحمنيش
ويبان عليا هواك وعنيا تفتن عليا لما تلاقيني بترجاك
وعزالي يلوموني لما يشوفوني اسهر الليل كله واستناك
ويزيدو الملام لما يشوفوا دموعي في عينيا من نار الاشواق والغرام
ويفرحوا فيا عزالي لما يفتكروا بينا خصام
وانت تقلان عليا يآحبيبي ومش خايف تُقلك يعلمني القسيه
ويصعب عليا منك وابص في عينيك واشكيلها من قسوتك عليا
وغصب عني الاقي دموع عينيا في هواك بتفضح أمري
خايف تُقلك ودلالك يغيرو حبك في قلبي
ليه تحسسني بقسوة قلبك وانت حبيب عمري
يآحبيبي ماتعذبنيش وياك ليه تداري هواك عني
وفتورك يخلي قلبي يتحير وحبي يتغير وتخسرني
ده الاهتمام يآحبيبي بيرعي المحبه في القلوب ويزود فيها الحنيه
حبني زي مابحبك وخاف عليا زي خوفي عليك
بلاش نضيع ايام عمرنا بين الشك والأوهام وانا قلبي لسه شاريك
خلي حبك يشغلني ويشغل بالي
ولهفتك عليا تفرحني وتغير احوالي
وشموع الحب تقيد وتنور لينا الليالي
خليني اشتاقلك وتوحشني وحلاة غرامك تسرق من عيني النوم
وحبنا يكبر ويزيد في قلوبنا كل يوم
ونار الاشواق تكوينا لما نبعد او نغيب عن بعضنا
ونتعاهد ع الحنيه وما نقدر علي الفراق وما يعذبنا حبنا
خواطر (اشرف الدغيدي)
حقوق النشر محفوظه
٣ارق ملاك، وعامر الدليمي وشخص آخر
تعليقان
أعجبني
تعليق
إرسال
مجلة نداء الرؤح لفرسان الكلمات 