ولا مليون بقلم. أحمد شاهين
ومين تِقّدر تنسينى
جِراحى وشوقى وحنينى
ولا واحده ولا مليون
يشيلوا صورتها من عينى
دى ساكنه جوا تكوينى
ومين تِقّدر تنسينى
سافرت حاولت أنساها
وتوهت فى زحمة الأشغال
فى كل صوره بلقاها
وساكنه القلب ويا البال
ومهما تشوف عينيا عيون
ولا واحده ولا مليون
ولا حتى بنات الكون
يشيلوا صورتها من عينى
دى ساكنه جوا تكوينى
ومين تِقّدر تنسينى
يا عايش بس ع الذكرى
وأيامك مع إمبارح
ولا فارق معاك بكره
ومين مجروح ومين جارح
ولا قلبك فى يوم هيخون
ولا واحده ولا مليون
ولا حتى بنات الكون
يشيلوا صورتها من عينى
دى ساكنه جوا تكوينى
ومين تقدر تنسينى
كلمات أحمد شاهين
٢ارق ملاك وعامر الدليمي
تعليق واحد
أعجبني
تعليق
إرسال
مجلة نداء الرؤح لفرسان الكلمات 