الطبليه
ليا فيها ذكريات جميله
ياريت دامت ما باليد حيله
ايام كانت بسيطه جميله
بيتجمع عليها الكبير قبل الصغير
لقمه هنيه تكفي ميه
ناكل ونتكلم بكل حنيه
راحت خلاص مع اللي راحوا وسابونا
سابونا عايشين علي ذكرياتها
راحت كمان الطبليه وراحت ايامها
راحت كل حاجه حلوه
كانت بتربطنا ببعضنا
الصبح كوباية شاي
مع عيش وجبنه وجرجير
والعشا كوباية لبن
مع عسل وطحينه وفطير
كل حاجه حلوه بتروح
مش هترجع تاني
اهو كلام بس من حلاوة روح
حتي لو رجع الزمان من تاني
كل واحد يفتكرها ويقول اه ياني
مشت وسابتني عايش في احزاني
عايش علي ذكرياتها الجميله
ياريتها دامت ما باليد حيله
كلمات يلدز البربري
12/12/2022
ا
٢ارق ملاك وشخص آخر
٧ تعليقات
أعجبني
تعليق
إرسال
مجلة نداء الرؤح لفرسان الكلمات 