***&***&***
قررت أودع
***&***&***
كنت زمان ببعدها أتأثر
وأبكي علي حالي وأتوتر
وألعن حظي وأتكدر
لكن حبي ليها كان أكتر
لحد ما فاض بيه ومليت
ولقيت حظي مع غيرها وحبيت
وعشت أحلي سنين عمري ونسيت
حبي القديم ومن ذاكرتي محيت
وبعدما أتعودت علي بعدها ورضيت
رجعت تقوللي أنت خلاص هويت
ونسيت حبي وفي حال سبيلك مضيت
وأنا اللي كنت فاكرة أن حبك لي ما نهيت
قولتلها ما تفكريني… معاكي ياما عانيت
من العذاب ألوان وتجاهل إحساسي قسيت
سنين غربة وأنا عايش معاكي عمري أفنيت
لا مشاعر ولا إحساس غير الهوان ما لقيت
لما بعتي حبي …إلي عشقي الجديد إهتديت
مستحيل أرجع للقساوة بعدما ضقت الحلاوة
ولما جالك هواكي …..!
جاية تقول إزاي العشرة هانت
علي الناس اللي باعت والسنين اللي ضاعت
والحب اللي كان والعشق بتاع زمان
وأنا بقولك…. وأنا كمان نسيت معاك الأمان
واللهفة والشوق والحنان
أتغيرت المشاعر والأحاسيس والوجدان
آسف مش حقدر أرجع.. ولا مستعد أتوجع
مستحيل حياتي معاك ترجع
وإلي الضنا والعذاب أخضع
روحي لحالك وخليني من هوايا أشبع
ومن حلاوته أسجد لله وأركع
***&***&***
سمير بحر
***&***&***
مجلة نداء الرؤح لفرسان الكلمات 