عالم إفتراضى بقلم أحمد شاهين
فيه جانب من حياتنا مضئ
بيبِهر أغلب المخاليق
نِبان دايما نجوم سينما
نِبان فى صورنا بالألوان
بضِحكه بتِسعد الوجدان
يقولوا أكيد مفيش أحزان
ولا بيحِسوا مره بضِيق
وخلف الشات كتير مسافات
وأرجوزات وشخصيات
ورجاله بإسم. بنات
وياما سمِعنا من حكايات
وياما بيوت وصابها خراب
وياما صحاب ومش أصحاب
وشحن كروت وكام نصاب
وياما سمعنا من إشاعات
وخلف الشات كتير أسرار
وكاميرا تخٌش قلب الدار
وفوق سرايرنا ليل ونهار
ووقت اللوم تبان إعذار
تمللى بنخترع أكاذيب
نبررها ساعات بالشيب
وننسى فى كذبنا الترتيب
تبان حقيقتنا ف بننهار
نصيحه لكل شاب وفتاه
زرعت الحب راح تلقاه
حياتك تبقى أحلى حياه
ومش شرط الفلوس والجاه
ما كام شخصيه وهميه
يبان تشخيصها نفسيه
وغاويين مكر وأذيه
تملى بيأذوا خلق الله
كلمات أحمد شاهين
أعجبني
تعليق
إرسال
مجلة نداء الرؤح لفرسان الكلمات 