…. كداب ….
كداب ودايما أصدق كدبك
كداب وغصب عني بحبك
وتقوللي حياتي إنتي وعينيه
وتاخدني معاك لدنيا غير الدنيا
عاشقاك وعارفة إنك كداب
….
بتقول كلامك ده لكام واحدة
وأقولك إهدي واحدة واحدة
تحلف قلبك مفيهوس غيري واحدة
وانا عارفة ياحبيبي إنك كداب
…..
واضح جدا وصريح في كلامك
بتقري عيون أي جميلة قدامك
وبسرعة برق يوصل ليها غرامك
وتحبك رغم إنها تعرف إنك كداب
….
ليك حالة صعب قلب يفاديها
تفتح سكة معاها وتسوق فيها
وف لحظة تمد قلبها وإيديها
وتبقي حبيبها رغم إنك كداب
…..
إيه فيك بيشدنا دايما ليك
هي الخبيثة النظرة اللي ف عينيك
والجرأة إللي صعب تكون غير فيك
وبعد دقائق تملكها رغم إنك كداب
…..
أقولك علي حاجة وإسمع مني
رغم إنك كداب هواك بيجنني
ولا يوم أقدر إنك تبعد عني
حلو هواك حلوة الدنيا معاك
….حتي لو حبك كداب
كداب
….. أيمن بلال ….
مجلة نداء الرؤح لفرسان الكلمات 