بقلم /عمااد الأبنودي
•••••••••
$ إطوي الوجع $
بقلم /عمااد الأبنودي
•••••••••
فاتني حبيبي في وحدتي
تقولشي بسلامته رحااااال
و حالي صبح كما الحال
غاوي بعاد معايا وعناد
و سكته ليه غير سكتي
كأن شوقه خلاص مات
و مدخلش حتي دنيتي
فجأة مشي بدون وداع
لطريق طويل مفهوش رجوع
كتب نهاية بالضياع
و ترك روحي للدموع
الشكوة منه ماليها فايدة
و العتاب ملهوش لزوم
حتي الكلام ماتت حروفه
ما عادش يفيد معاه اللوم
رحل و سابني ف النهاية
و قتل جوايا أجمل غرام
و انتهت ما بينا الحكاية
و مابقاش فيه اهتمام
معلش يا قلبي متزعلش
حظك كدا تبقى وحيد
نصيبك قليل ماتفرحش
والهوى تملي عنك بعيد
مكتوبلك حبة ألم بجراح
و جفونك تنزف دموع
و للأسف اللي راح راح
والحشا جواه موجوع
متحاولش تكدب روحك
و تعشم نفسك بالرجوع
إطوي الوجع جوه روحك
و جفف بأيدك الدموع
بكرا يروح في النسيان
تماااام كده زي غيره
و مايبقاش له مكااان
ولا حتي شئ من نصيبه
بقلم /عمااد الأبنودي
22 , 12 , 2022
٢ارق ملاك وفهدالصحراء الجرئ
٦ تعليقات
أعجبني
تعليق
إرسال
مجلة نداء الرؤح لفرسان الكلمات 