كلمات ادهم العوضى
ادهم عبده مجلى
موال الغربه والانسان
كلمات ادهم العوضى
ادهم عبده مجلى
الاغنيه مسجله مصنفات فنيه
★*★*★*★
من كاسه شربنى
فى الغربه ضاعت سنينى
وشبابى عذبنى
سافرت لآجل الحياه
تكون معايا احلى
بعد اللى عشته غريب
ولا حاجه مستاهله
كل الجراح والآلم انا شفتها فيها
حتى دموع الندم. عايزه تجربنى
موال
عايز اقول ان انا انسان
عاش فى حياته كتير حرمان
عاش بيسافر عاش متغرب
عاش بيآسى من الاحزان
★*★*★
انا انسان مليان أوجاع
اصل سلامى ده كله وداع
باحلم تبقى حياتى بين اهلى
بس الحلم فارقنى وضاع
★*★*★
اهلى من الترحال نسيونى
شكلى اتغير لما شافونى
ما بقاش شكل الناس عارفينه
ناس الغربه خلاص مسخونى
★*★*★
شكلى الطيب شكلى الهادى
والله اتغير ما بقاش عادى
لما باقول انا راجع ليكى
عمرى ما بارجع يوم فى معادى
★*★*★
اصلى معادى ماهوش بايديا
ليل الغربه بكى عنيا
كل ما انوى واقول انا راجع
القى حسابى غير لى النيه
★*★*★
واللى بدٱته ده بحر غريق
نفسى اعومه لكنه حريق
اه لو اعرف قبل ما اسافر
كنت ساعتها شباب وبرئ
★*★*★
كنت فاكرها سنين هتعدى
وقت مااعوز هلاقيها تهدى
لكن طلعت غير مانا فاكر
انا اراضيكى وانتى تعاندى
★*★*★
عدى العمر وراح وخلاص
كله جروح مفيهوش اخلاص
واللى نسيتهم علشان مال
راح يسبوك علشان احساس
★*★*★
دى نصيحه منى لاى مسافر
وحارب طمعك يلا وعافر
لاحسن ترجع ما تلاقى نفسك
غير إنك لعجوز لمكابر
★*★*★*★
الغربه والإنسان
كلمات ادهم العوضى
أدهم عبده مجلى
مجلة نداء الرؤح لفرسان الكلمات 