…….واقولك ايه …….
واقولو كفايه احوالنا
كفايا الفقر اهو جالنا
يقولي عملنا للجايين
بنبني بكره لعيالنا
ياسيدي كفايا وتعبنا
معدش جنيه بقا ف جبنا
وكل الجاي بقا رايح
وكتر الدين مغلبنا
……
بقينا نلم جمعيه
عشان نتغدا طعميه
وحتى الفول صبح بالدين
وحلمي اشم تقليه
…….
وسيرة البيت بقت عركه
وقرص علاج صبح سكه
ولو فكرت اروح شغلي
بنتشعبط طول السكه
……
واقولك ايه عن الاولاد
بقا المصروف ف ذكرى ميلاد
ولو فكرت اجيب فاكهه
بجيب موزه وأراضي الواد
…….
دا كل منايا في الدنيا
اروح عالقهوة لو ثانيه
وانزل شيشه بالحجرين
وفنجان قهوه بالميه
…….
بقت احلامنا عالاسعار
وسعر الحلم ولع نار
ولو طولنا نلقا كابوس
يقول البيت عازلو فطار
…….
يا ناس متحسو بالغلبان
وسيبو بكره ع الرحمن
دا رب كريم عالم بالحال
ولا ينسى ف يوم شقيان
……محمد إبراهيم درويش……
١ارق ملاك
تعليق واحد
أعجبني
تعليق
إرسال
مجلة نداء الرؤح لفرسان الكلمات 