*****(( جاي عا مَهلِك ))*****
لَما وَعَدتيني سوا نِسهَر
ليش ما جيتي على وَعدِك
حَسيت قَلبي بدو يِتفَجَر
البُلبُل بِغَرِد صار يِتبَختَر
عرفت إنِك جاي عا مَهلِك
مهَدي على الاغصان بِتحَسَر
حابب كلام الحُب يوقُلِك
لما وصِلتي لسانه إتعَثَر
وصار قَلبه يحِن لَقَلبِك
قُبلة طَلَب من خَدِك الاحمَر
وبَسمة رقيقة طَبَع عا وجهِك
حابِب جَمالِك لونِك الاسمَر
والزَهِر من ياسمين يُقطُفلِك
من عُيونِك الحلوات عم بِسكَر
بكاس الغَرام كثير يُسكُبلِك
إنتِ رَقَصتي وهو يِتغَندَر
رقصة عَفيفة كثير تِلبَقلِك
..بقلمي..ياسين مصطفى بكري…..
كل التفاعلات:
١ارق ملاك
مجلة نداء الرؤح لفرسان الكلمات 