_______
قالوا كام
_______
كله رايح والدبايح
وش فخده مرقعة
حاجة حلوة مدقدقة
الفرقعة من كتم غيظ
جوة منها إحساس لذيذ
في عز برد مولعة
قشطة سايحة بالكريمة
روح وهاتلك مروحة
والعزيمة طافشة قلب مزحزحة
والكلام وسط الدبايح
لا يصح يكون كلام
حب دايب عقل جايب
يا نهر أبيض ع التمام
والدوام باين وساري
نهر جاري بإنتظام
واللي جالي أو جرالي
مش جديد طبع الكلام
ناسي نفسي حتى نِفسي
ف اللي فاتوا من زمان
تبدأ القصة الجميلة
وبدايتها بالهيام
وحكايتها مستمرة
حاجة مُرة حاجة حلوة
راح تبان
المشاعر ليها ساعر
مستحيل دا يقول بكام
برد عايش بالمفاصل
اوعى يوصل للكلام
خلى روحنا تداري بوحنا
حتى نعرف قالوا كام
بقلم/وافي إسماعيل الشلبي
أعجبني
تعليق
إرسال
مجلة نداء الرؤح لفرسان الكلمات 