….أنا وانتي …..
أنا كل البحر وامواجه
والريح وشطوطه ولو هاجو
بس انتي تكوني عروسة البحر
……
والبعد في قسوته ومراره
بس انتي تكوني أساس السر
……
أنا جن فانوس مع دخانه
طلباته العشره لسجانه
بس انتي تكوني طلاصم سحر
……
أنا كل الكون لو حبيتي
لو قلبك يصبح يوم بيتي
هقفله وهعيش جواه العمر
…..
أنا ليكي زي ما يقول بالك
واحلمي واتمنى بخيالك
وهكون خيال دا لو انتي المهر
……
أنا كل الشعر وتفعيله
والحلم في ليل مع تفسيره
دا لو انتي هتبقي البيت في الشعر
…..
أنا ليكي حياه مزروعه ورود
وامل بيحقق كل وعود
بس انتي تقولي ويصبح امر
…. محمد إبراهيم درويش…….
كل التفاعلات:
٢ارق ملاك وشخص آخر
مجلة نداء الرؤح لفرسان الكلمات 