خواطر ( أشرف الدغيدي )
حقوق النشر محفوظه
( سابوا إيه للأغراب )
حبيناهم غدروا بينا
صدقناهم كدبوا علينا
صعبان علينا عمايلهم فينا
اللي كنا فاكرينهم أعز أحباب
لو الأغراب ظلمونا إسمهم أغراب
ولو الأحباب ظلمونا نملك إيه غير العتاب
كل ده عشان صدقناهم
وطيبة قلوبنا خلاتنا نمشي وراهم
غدارين ومن اول يوم خدعونا
ومن قلة أصلهم هان عليهم يجرحونا
ياما اتحملنا منهم هجر وأسيه
ظلمونا وإحنا اللي كنا الحب والحنيه
والله كتير عمايلهم فينا
وازاي نحبهم يقسوا علينا
ويظلمونا ببعدهم وهجرهم لينا
غدروا بينا ويقولوا حبونا
ولما اتعلقنا بيهم سابونا
كل ده كان عشان غيرتهم
ومش قادرين ننسي سيرتهم
يا ألف خساره آمنا ليهم وصدقناهم
وفينا في حبهم ماصانوا هواهم
اشترينا هواهم باعوا هوانا
كانوا بيحنوا لغيرنا وهما معانا
عيني علينا وعلي حبايبنا
اللي عرفناهم مش عارفين قيمتنا
الله يسامحهم ظلمونا وسرقوا فرحتنا
وهان عليهم يجرحونا ويكونوا سبب دمعتنا
خواطر ( أشرف الدغيدي )
حقوق النشر محفوظه
كل التفاعلات:
٢ارق ملاك وAshraf Eldghedy
مجلة نداء الرؤح لفرسان الكلمات 