…فوق جبين الزمن… جمعه الجر

…فوق جبين الزمن…

فوق جبين الزمن..

صوره لوطن مدبوح…

والعار وكتر المحن..

وشعب عاش مجروح…

فينه تاريخ العرب..

يارب انت مجير..

تجير من اللى انكتب..

داالعار بقى مسموح…

ببعت رساله لبطل..

اسمه صلاح الدين..

قاهر جيوش والخطر..

ماهمه لو كان مين…

قائد وجيشه اتبنى..

فى الحق ليه ملحمه..

للظلم يوم ما انحنى..

حارب سنين وسنين…

فينه يجيب حقنا..

يعيد لنا ارضنا…

يشلنا من ضعفنا…

يطهر كمان عرضنا…

اصله بطل مقدام..

فارس شجاع وهمام..

لا خاف فى يوم وانكسر..

خاض معارك قبلنا…

الصوره وضحت اوى..

بكى الزمان م الألم…

قال حرام شعبنا..

يتهان مابين الأمم…

يرحم تاريخ قدسنا..

دا مهد للأديان..

أمان لكل الدول..

صانع تاريخ م العدم..

استنى تقوم العرب..

موحدين كل الصفوف..

رافعين رايات الحرب..

من غير رجوع ولا خوف..

تشعلها نار تنطفى..

لو رجعت لنا فلسطين..

ورنين أدان الأقصى..

يعلا ندق دفوف…

لكن بجرة قلم..

اتلجموا العربان…

ورفع يهودى العصا..

عاملنا كما الخرفان…

يا100 ندامه ياعرب..

رضينا نعيش فى هوان…

وهان علينا الوطن..

فى أدين يهودى جبان…

جمعه الجر

عرض الرؤى

معدل وصول المنشور: ١٠

كل التفاعلات:

٢ارق ملاك وفهدالصحراء الجرئ