الناقد
حمدي البوقي
_____
فاكرة
_____
آه يامة
فاكرة
لما كنا..صغار.
الفرحة
وحلاوة اللمة
وراحة البال
بكرة ياجي
بعده يعدي
مفيش ع البال
لعبنا عريس وعروسة
وعروسة حلوة جنان
وعملنا كوشة
وفرح
والحلم طرح
في الحلم
عيلين
وبنينا بيت من طين
وأمي طَلَقتْ زغرودتينْ
وأبويا جاب
فشار ومنينْ
وعملنا سبوع العيلين
كبروا العيال
وكبرتْ معاهم الأماني
رسمنا بكرة
بضي القمر
والأغاني
وعملنا عيد
من غير مواعيد
حلم عيال
ممكن؟
ولا بعيد؟
الناقد
حمدي البوقي
أعجبني
تعليق
إرسال
مجلة نداء الرؤح لفرسان الكلمات 