لحظه بس من فضلك
بلاش نسلم بسهوله
ونمحي ذكرى عشناها
معقوله ندوس على الورد ..
وعبيره حاضننا ، معقوله ؟!
للدرجادي بقينا قاسيين
للدرجادي عقولنا مقفوله ؟!
دا ليالي الشوق بتندهنا
وبخمر العشق معجونه
ياروايه بحرها ممتد
يا قصة حب مجنونه
بقولهالك لو انتي آسفه قيراط
ف انا آسف أربعه وعشرين
ولو زعلتك بدون قصد ف يوم
سامحيني ياضي العين
مقدرش عنك استغنى
ولو استغنى أعيش مع مين ؟
يابت ياللى حبك تاج
على راسي أنا شايله سنين
بحبك ياكل العمر
يادعوة ساعة رضا الوالدين
هاتي إيدك ف حضن إيديا
هاتي روحك تفرح القلبين
أنا وانتي عمرنا واحد
عمرهم مايبقوا اتنين
شيطان دا أيه ال يفرقنا
شياطين حبنا مكبوله
فبلاش نرميلهم الفوطه
ونسلملهم كده بسهوله
كل التفاعلات:
١١
مجلة نداء الرؤح لفرسان الكلمات 