بقلمي
رجاء عبد الرازق
زمن عجب… بالعامية المصرية
بقلمي
رجاء عبد الرازق
الدمعة دي اتحجرت.. في عيني بزيادة
لا عارفه ترسم أمل ولا عارفه تتمادى
وبكره حظه كده من ذبح بالسكاكين
يا عم صحصح بقى ليه قهوتك سادة
شايف معايا النهار. يصرخ بأعلى صوت
والناس لابسه سواد تتمنى حتى الموت
والطفل رمى لعبته في طين وينادي
شايل هموم الزمن من ضرب بالنبوت
والندل في المجتمع لابس ومتغنضر
يرمي الفلوس ويقول أنا بقيت عنتر
لاهمه سائل مريض ولا يتيم مسكين
يجري ورا البنات ويعبد المنظر
والأخ يقتل أخوه على الورث ياويلي
والظلم غطي البيوت في نهاري وفي ليلي
والكذب بقى عملته مزورة ببهتان
والفيس بينخر في عقل أختى وخليلي
أنا سامعه صوت في السما ينادي رب غفور
أنصف يارب عزيز بقى ذليل مكسور
عايش برزق حلال لكن الزمن غدار
جبر الخواطر عليه واليأس بقى محظور
بقلم
كل التفاعلات:
١Mansour Benmansour
مجلة نداء الرؤح لفرسان الكلمات 