******************************
== كل الشوارع شهود =====
******************************
كل الشوارع طيبة
حافظة العهود ومطببة
وعارفه انى مريت هنا
وعيد ميلادى وحبلى السُرى سبته هنا
لما جيت حضنتنى نسمة طيبة
ورفعت مع قلبى رايات الشوق والمنا
سلمتنى ل نجوم السما
كل البيوت شاهده
على الغزل والمناهده
على انتصار قلبى والمعانده
حتى النهار وقع على حضورنا والموده
الشجر كان من شهودنا
يوم ما وقعنا عهودنا
فرش ضله على ايدى وايد ها
و فتحنا ضرف قلبنا على عيدها
على اما نينا السعيده كأنى لاقيت سندريلا
اخد حلمها فى حضنى وانام
تاخد حلمى وتطير حمام
حمام يشيل ضحكها
ويشيل زمان حزنها
كات وردة بتستنى من يخطف قلبها
الخوف كان معشش فى دربها
خايفه تشيل ذنب مش ذنبها
كات بريئة
والشوق عيونه مش بريئه
لما عرينا نظراتها الجريئة
شفنا الحقيقه قلب ابيض بلون نور العيون
بلون قلوب صحابى الغلبنين
كما الشوارع لما تكشف قلبها
تزهر حنين وغصون
===================محمد عبد المقصود داود
أعجبني
تعليق
إرسال
مجلة نداء الرؤح لفرسان الكلمات 