يعني إيه كلمة وطن؟!
.
.
.
يعني إيه كلمة وطن
حبه عايش في القلوب
مهما طال بينا الزمن
….
الوطن في قلوبنا غير
أرض طيبة وكل خير
شعبنا حر و أصيل
ايد واحدة بيصد الفتن
….
ربي يحميه من الأعادي
اللي بتمد الأيادي
طمعانين فى تراب بلادي
بكره هتزول المحن
….
الوطن يعني الأمان
والدفا في كل مكان
شعب ما يرضى الهوان
عمره ما عرف الوهن
….
الوطن غالي عليا
نبض قلبي ونور عنيا
مها اقول انا فيه شويه
عشانه شايلين الكفن
….
الوطن بلدي الجميل
نسمة بتداوي العليل
قصة يحكيها كل جيل
عزنا حب الوطن
….
الوطن شريان حياتي
فيه حنيني و ذكرياتي
مها زادت فيه آهاتي
عشقه في قلبي سكن
….
الوطن كل مكان
يعلى فيه صوت الأذان
نصره فرض من الإيمان
مهما هيكون الثمن
….
بقلم / الرفاعي الحداد
كل التفاعلات:
٢Mansour Benmansour وشخص آخر
مجلة نداء الرؤح لفرسان الكلمات 