اتعودتي على العتاب
ولا النكد عندك عاده
كل يوم وفيه حساب
گأنه ماتش وله إعاده
الوسواس معانا في البيت
خفي يوم من عنادك
أصله أصبح فيه زياده
أنا مليت من كلامك
وكرهت وجودك في البيت
المفروض ألاقي الراحه
خلتيني أعمله مبيت
رايح فين وجاى منين
وكأني في حالة تثبيت
بيتنا أصبح نار وشرار
بنزين جنب الكبريت
هى دي أمور الطاعه
انتى خارجه من أنهى بيت
ولا ده أصبح طبيعه
أنا من الغل إرتويت
ولا تكوني فاكراها غيره
أنت روحت أنت جيت
ياللا بينا نفضها سيره
أنا على الفرقه نويت
عمرى ما شوفت معاكي راحه
حلم عمري يبقالي بيت
كأنه مبنى من حرام
أنا من الهم استويت
كفايه كده وريحيني
شقى بره ونكد في البيت
صبرت عليكي كتير
حافي وسط النار عديت
انتي كده جابتي النهايه
راح أسيبلك أنا البيت
شوفي على مين هتنكدي
أنا اللي وقعت وطبيت
(((أسامه جديانه)))
أعجبني
تعليق
إرسال
مجلة نداء الرؤح لفرسان الكلمات 