خواطر ( أشرف الدغيدي)
حقوق النشر محفوظه
(حبيت الدنيا علشانها)
بقالي سنين وسنين قلبي دايب شوق وحنين
حاسس بالحب والاقي حبيبتي فين
ليلاتي طيفها بيزور منامي
أسهر وينشغل بيها بالي
وأملي الاقيها مصبرني علي حالي
وبقيت مستنيها بكل اشواقي
تجيني ومن نار حبها تداويني
وارتاح من لوم اللايمين
وكل ليله احلم بقربها
واستني وصالها وودها
واشكي لطيفها من طول الانتظار
سنين مش داريه بيا وانا عايش في نار
ولما بان حبها عليا وشافوا الشوق دمع في عنيا
حتي الحبايب لاموني
وأقول يالايمين جربوا اللي انا فيه تعذروني
ويصعب عليكم حالي وماتلُموني
وأقول إمته يرضي عليا الزمان
وتجيني حبيبتي اللي شوفتها في المنام
ويطلع حبي حقيقه مش أوهام
وأعيش معاها أحلي غرام
وفي يوم من الأيام شوفتها وقابلتها
واتمنيت أعيش عمري كله في حضنها
حبيت الدنيا علشانها
ولما عيني حضنت عنيها
من حسنها وجمالها مش عارف إيه جرالي
ولقيت مشاعري وكياني دابوا فيها
ونسيت عمري اللي عيشته قبل ما ألاقيها
ولقيتها بعتالي نظره من عنيها
راحت لقلبي العليل تداويه
يااهل الهوي مين قلبه حب الحب ده كله
يروح لحبيبتي عن عذابي يقولها
وعن حبي وغرامي يوصفلها
ومنين أجيب حروف أقولها لحبيبتي احلي كلام
أوصف بيها حسنها ودلالها من غير ملام
وأوصف بيها رمش عنيها اللي جرحني
والكحل اللي في عنيها جماله سحرني
والهنا والفرح اللي شوفته معاها
يااهل الهوي نفسي اطير للسما وياها
واجمع من النجوم عقد ازينه برقبتها
وشموع الحب نار جوايا تقيدها
ده حسنها وجمالها زيه ماهلاقي
ياحبيبتي انكتبلي معاكي الفرح والهنا
وبقيت معاكي انسي نفسي مين أنا
ربي يخليكي ليا ونعيش سوا الف سنه
وكل الهنا اللي أنا عايش فيه
اتمنيته لكل الحبايب يتهنوا بيه
خواطر ( أشرف الدغيدي)
حقوق النشر محفوظه
كل التفاعلات:
٣Ashraf Eldghedy، وMansour Benmansour وشخص آخر
مجلة نداء الرؤح لفرسان الكلمات 