محتار
انا ويا البنات
الساحرات الفاتنات
السمرا ياحلاوتها
بن محوج طعامتها
قمرمنور الليالي
اما الشقرا ياحياتي خيوط الشمس الذهبية
كل واحدة لها طعم ولون
السمرا غلاية
عيونها تحكي الف حكاية
والبيضا قشطة ومهلبية تنور الدنيا عليا
والشقرا ليرة ذهبية قيراط 24 ياعنيا
أعمل ايه قولولي
اختار مين منهم دلوني
اخد السمرا ام الجاذبية
ولا البيضا اللي بشرتها حريرية
ولا الشقرا بخدودها الوردية
سألت قلبي وقلت له
ايه يامسكين
ماترد عليا
رأيك ايه يامعذبني
وبحب البنات مدوبني
صدمتي كانت قوية لما رد قلبي عليا
وقال لي خود التلاته
مابلاش الحيرة دية
وانتوا ياصحابي
تشاوروا بايه عليا
اسمع كلام قلبي والبي مطلبه واصير جوز التلاته ياخرابي
ولا اهرب من حوا واعيش عيشة بدائية
زي ابونا ادم قبل حوا هديته الربانية
انا مستني على نار
دلوني والله انا محتار
تكسبوا الاجر والثواب بيا
المحتار قوي
عارف البديوي
أعجبني
تعليق
إرسال
مجلة نداء الرؤح لفرسان الكلمات 