خواطر ( أشرف الدغيدي )
حقوق الملكية محفوظه
( إطمني ياعمري )
قوليلي يآحبيبتي هو إنتي مابتتعبيش
ومن الشك والغيره مابتزهقيش
عارفه انك حبيبتي وغيرك مليش
ولو قلبي طاوعني روحك مابتسبنيش
ولاَّ قلبك هو اللي إتغير
وحبك مبقاش زي الأول
ليه بالك علي طول مشغول ومتحير
قوليلي بصراحه وماتخبيش
تُقّْلِكّْ عليا غيره ولاٌَ حيره ماتكذبيش
لو كنت زعلتك أجيلك واصالحك
ولو كنتي تقلانه برضوا هسامحك
ليه تحتاري وتشغلي البال
ولاٌَ علشان بحبك سايقه عليا الدلال
لو تصرفاتي مزعلاكي نبهيني
وع اللي بيزعلك مني ويحيرك عرفيني
وبدل جفاكي وشكك فيا عاتبيني وانصحيني
ولو كنت بغلط غصب عني ومش واخد بالي فهميني
ليه ليلاتي من غير سبب بتبعديني
وكل ما اشتقلك تعذبيني وتحيريني
لو كان اللي جواكي قلق وخوف وغيره ماتغيريش
ولو بتحبيني إطمني ماتحتاريش
دنيتي معاكي حلوه يانور عيوني ماتشُكيش
ومن غيرك حياتي صدقيني ماتساويش
إطمني ياعمري انتي الأمل والأماني
وعمري ماحبيت في حياتي حد تاني
هو اللي يحب زيك يانور عيوني ناقصه إيه
ولو يعرف حد تاني هيعرفوا ليه
صدقيني اللي يحب بالشكل ده لايخون ولا يكون أناني
تعالي نمسح هموم الغيره ونعيش أحلي الليالي
وننسي اللي فات ونكيد حسادك وحسادي
خواطر ( أشرف الدغيدي )
حقوق الملكية محفوظه
أعجبني
تعليق
إرسال
مجلة نداء الرؤح لفرسان الكلمات 