___________________________________________________________
=========-اخطف من الشمس ميعاد =========
___________________________________________________________
باخطف من الشمس ميعاد
ولا جاش
واشم فى تسببيلة وردة
واضحك لطفلة بتعارض الحظ فى الانعاش
لسه السواقى بتنعى وحزنها ما انتهاش
وانا مين سرق عشقى اللى لسه م ابتداش
مين فتح باب الخروج للعشق
قبل الدخول فى عشق السموات
غير ملامح حلمى وغير ثوابت الذات
صبحت مش عاجب نفسى
ومش حاسس بنفس الذات
مش كل السكك بتقرب المسافات
ولا كل قطريعرف عناوين اللى فات
اسكندرية حبيتها
وحبيت قمرها ولغاه
و حبيبى اللى عاش فى عيونها تاه
فى الصيف هجير والشتا نوات
وزى ما ضحكنا فى النواصى
خطفنا فى المفارق حزن قاسى
نقش فى الضلوع اصعب اللحظات
وكأن الحزن عارف مقاسى
صارت حدودنا موت وسكوت
وشوارع بتبعدنا وبيوت
قولى لى ايه ممكن يشفى جروحى
يفتت الحزن االلابد فى روحى
يخضر جناين مشاعرنا
يوحد ما بيننا فى آخر مشاويرنا
الناى بيحكى
والدمع يفسر احلامنا
تاهت من وشوشنا ملامحنا
بس القلوب ما بتغير ملا محها
ولا بتتشابه فى مين تعبها وريحها
ولا بتنسى اللى فرحها
واللى جراحها
===========محمد عبد المقصود داود=====
أعجبني
تعليق
إرسال
مجلة نداء الرؤح لفرسان الكلمات 