-بقلم: محمد دومو
-مراكش/ المغرب
( زجل مغربي)
دوى لكلام!
( زجل مغربي)
شكى ف نهارعلينا لكلام
باح يتأسف كثير وݣال كلامو
يسول عل لمعاني لي ضاعوا
يحكي كل همو لينا بالتمام
من اللغو والتهرطيق لي صابو
يوصف محاينو بالغمام
ويوصي كل ݣوال بنصايحو
نوضوا يا مجمع الرفاق نتاحدوا
مصاب نفهمو ونحسو بمحاينو
مصاب نسمعوا معنة لكلام
لي تخدم وتزين بوحنا مع ليام
کلامي ال كل عاشق لحروف
يمحي عليه غمة لحزان
ويصبح كلامنا زين ومكشوف
وصايتو هذي بالصدق العالي
بها البوح يصبح بالنية ساري
مبني طوبة بطوبة راسية عالية
بلا زربة ولا ترقيع الشفاية
ݣالوا ناس زمان لبني هو الساس
ماشي غير دربز وعلي بلا قياس
-بقلم: محمد دومو
-مراكش/ المغرب
كل التفاعلات:
٢Mansour Benmansour وYasmeen Ana
مجلة نداء الرؤح لفرسان الكلمات 