بعد أبوك ما يخش التربة
إوعى تسيبه يحس بغربة
خلي مع إخواتك ود
إن قطعوه تمسكه وتشد
إوعى تخسرهم علشان أرض
إجعل حضنك قصر لأختك
إن برتها يقولوا يا بختك
حاول دايما توصل أخوك
دا في القبر يفرح أبوك
إغفر ليهم قد ما تقـدر
إفتكر الآخرة وإنت هتقدر
سيب الأرض لو فدادين
مين راح القبر بالفدادين
إنت يوم ماتسيب علشانهم
ولا تقطعش سؤالك عنهم
يبقى هترضي أبو في التربة
وهو ساعتها هينسى الغربة
ما تخليش شياطين فيما بينكم
ما تخليش الخلق تهينكم
إل هيدخل بينكوا هيفسد
إن مافسدش بينكوا هيحسد
ريًح أبوك في منامه وقبره
كافئ أبوك على آخرة صبره
إسأل نفسك فين فرعون
كله غير الفُرقة يٌهٌون
جيلاني أنور
أعجبني
تعليق
إرسال
مجلة نداء الرؤح لفرسان الكلمات 